भारतीय गोरखा प्रजातान्त्रिक मोर्चाले कानूनद्वारा स्थापित भारतको पवित्र संविधान र समाजवाद, धर्मनिरपेक्षता र लोकतन्त्रको सिद्धान्तप्रति साँचो विश्वास र निष्ठा राख्नेछ र भारतीय संघको सार्वभौमिकता, एकता र अखण्डतालाई कायम राख्नेछ। भारतीय गोरखा प्रजातान्त्रिक मोर्चाले सधैं लोकतान्त्रिक र संवैधानिक अधिकारको लागि लड्नेछ; र भारतभरि बसोबास गर्ने भारतीय गोरखाहरूको राष्ट्रिय पहिचान पनि स्थापित गर्नेछ।